فمان الله يا مسافر

تعودني على ايام ابد ما افارقك ليله
واذا عنك اروح اليوم اقولك نلتقي باكر
تعودني على لطفك على اسلوبك وتدليلك
وتتوقع انا بحيا بدون يوم انك بتسافر
يالله انا ما ودي اشكيلك ولكن قلت الحيله
اليمه فرقتك والله وانا على البعد مو قادر
دخيلك اجل الموعد اذا تقدر على تأجيله
دخيلك حط دمعاتي بعينك قبل ماتسافر
ياشين الوقت في بعدك دقيقه كأنها ليله
شيصبرني على بعدك وانا احبك ومثلك فالبشر نادر
تعلق قلبي بقلبك يسمع منه ويحكيله
تدلل قول بس اطلب اقولك غالي وتامر
انا مدري اذا قلبي رفض يصبر وش اسويله
تخيل حالتي بعدك انا تحطمت على الاخر
اكلم نفسي فغيابك الوم القلب واشكيله
واصبر نفسي بالقوه واقضي الليل انا ساهر
انا اتمنى قبل مايروح يلمس دمعي منديله
ابيه يحس بإحساسي ابيه يقولي حاضر
ابي حضنه يدفيني خليل يودع خليه
واقول بصوت به شهقه فمان اللــــــــــــــــــــــــــــــــــه يامسافر
وارجع من المطار وحدي يشيلني الهم واشيله
وش يصبرني انا شهرين وهو بس توه مسافر
عزاي انه اخذ قلي في وسط عيونه يشيله
وانا اصبحت في بعده وحيد واكسر الخاطر...